तंम्वेका वंम्ह्यस्यात – चित्तधर हृदय

(सफु – याक:मिया चा)

जित: ख्वेक्यवं छं न्हिल्य व:सा 
    जि ख्वया हे च्वन्य छ न्हिला च्वँ 

प्रिति धैगु थुगु जगतं पितिना:
    जगत फुकं हे स्यंका छ्व। 

मि छ्वया च्वंसा न्हि नं न्हिला ह:
    छुं मदु-गगने नं स: व:,

ख्वेगु मफू जिगु छं ख्वे व:सां 
    न्हिल्य नं भति हे जित: मव: !

छं भतिचा जक माया त:सां 
    गा: जिगु दुख ख्याना छ्वेत,
कक्कु ज्वना छ्वै सुर्द्यो वेवं
    उषा-तता:जुं         चायात। 

   

No Comment

Leave a Reply

Your email address will not be published. Required fields are marked *