म्हिग: जि वनागु लँ सिथय्
चञ्चल थ्व गुलि वाउँगु वामात
फय्जक सनेवं अथें अथें हे
खिरखिर न्हिला:,
धित्तु धिना: सनाच्वंपि
जौभन जा:पिं
नकतिनिया ल्यासेचात
प्यन्हु च्यान्हु हे छु लिपा जुइ,
व हे वामात लज्जां क्वक्वछू
लुँस्वां छुना: सुयां लुखाखरुइ
लसकुसय दनाच्वम्हं न:लि भौमचा थें
छुं ई लिपा –
व वामात झन् गुलि क्वछुनाच्वंगु
सिसाबुसां जा:गु सिमात थें
म्ह झ्यातुम्ह भौमचा थें
थौं खना जिं व हे वामा
गनावंगु सु जक जुया:
बुंइ चतवानाच्वंगु
छुं ई हे जक न्ह्य: मचाबू व्यथां ब्यंम्ह मिसा थें।
हि मदुगु ख्वालय्
म्हासु ल्वचं क:म्ह ल्वगि थें
