जिगु मे

चुइके हइगु व सिमाकचा थें
पुइके हइगु व धूया कण थें
तुला वइगु बा चाग:चा थें
छ्वयमखु जीवन-गति उगुतालं।

फयख: थें बा ल:ख: थें बा
मोटर थें जीवन-रथ न्ह्याके,
गुकिया चालक मानव आत्मा
सहृदय ज्ञानी सारथि हे दु।

पराधीनतां पंवइ छख्यरं
वयात सिक्क क्यला यन्य प्यख्यरं,
द्रोही वैरी नापं ल्वाल्वां
विजय पताका फर फर ब्वयके।

भाकल याय् धुन जीवनयात
शान्ति सत्यतां जग स्वंकेत,
तातुना वने उगु मंजिलया
लि च्वना च्वंपिनि लँपु थक्य चायका।